Cada annada, lo 11 de novembre es un jorn particular. Jorn de jòia o jorn de tristessa, degun sap pas. Mai es un jorn ont se cal rapelar que 1,3 milion de joves franceses moriguèron per la libertat. Èra un temps ont la vida d'un òme comptava pas gaire per la majoritat dels caps militars. La setmana passada anèri a Grassa dins Aups Maritimas. Passèri dabans lo monument als mòrts de la comuna. Aquel monument es força realista, fa sortir la laidor de la guèrra e obliga lo passant a soscar. Sul monument es marcat: "lei jamai oblidar". Fins aquel jorn aviái pas jamais vist un epitafi en nòstra lenga e qu'obliga finalament a soscar de dos biaises. Passant, oblides pas los mòrts e ...la lenga tieuna!  |
vendredi 12 novembre 2010
lei jamai oblidar
Inscription à :
Publier les commentaires (Atom)
Ten, sabiái pas per lo monuments dels mòrts de Grassa! Mas veguères pas en cors l'an passat lo monument de Lavercantièra ont es marcat "paures dròlles"?
RépondreSupprimerI a tanben aquel de Niana que se vòl pacifista.
RépondreSupprimerLa placa ditz: (dins sa grafia)
La guerra qu'an vougut
Es la guerra a la guerra
Son morts per nostra terra
E per tota la terra.